John Chabot

Mamiin’huichashuuch

Nashta in shichiiyashinan miin ka tikushik John Chabot wii cha uuchimakih’tik aa mamin’huichanuwiich uuya nishwa aa puupiniich cha nuukunich Hit The Ice. Ayuk atshkanashit Anishinabeg Algonquin, kiya Kitigan Zibi, Quebec, uuh’chiiu. Chabot uushta 500 tih’tua chii matuwau inta NHL aa chii matuwamat Montreal, Detroit, Pittsburgh kiya uushta 300 tih’tua chii matuwau inta Europe. Ayuu mak aa ishtichinikinuuwiich aa chii mamin’huichat inta Junior iitacha kiya National Hockey League, chashtinaytakuniyuu mishtii aa chii wapih’tik matuwawinniu kiya chishchaytim chakuwayu natuwaytakuniich tshchua uuwan aa wii matuwashiiut. John niikanaytakushu, kiya kishchihu aa iiyim’hat uuwayu, kiya chishchaytim tanta atinanuwiich a mikuach’hiimakinuwiich matuwashu. Kita ayminiiyu utapitshiiwin wash 28 itshiiyu matuwashu, 20 muuk cha uutinach. Nishw tuushtau kita iyauch John kiya utapitsh’hakin cha iyashkuuhach matuwashu kiya cha chii miikuach’hach amuya mah’chai tshchu matuwanuwiicha.